बदली 2025 सुधारित शासन निर्णय व वेळापत्रक पाहण्याकरिता खालील इमेज ला क्लिक करा.
Karuna Gawande
Chandrapur
Created by Karuna Gawande,Chandrapur.
Thursday, 7 November 2024
Friday, 27 September 2024
सामान्य ज्ञान - सर्व इयत्तेसाठी उपयुक्त
सर्व ईयत्तेसाठी उपयुक्त असे सहज व सोपे सामान्य ज्ञान...
जे लहान मोठ्या सर्वांना आठवणीत ठेवणे गरजेचे...
पाहण्यासाठी खालील इमेज ला क्लिक करा...
.png)
करुणा गावंडे,जांभूळकर
विषय शिक्षिका भाषा
जिल्हा परिषद उच्च प्राथमिक शाळा आर्वी
पंचायत समिती राजुरा
Sunday, 28 July 2024
विविध पक्षांचे आवाज
खालील पक्षाला क्लिक केल्यास तुम्हाला अनेक पक्षाचे चित्रे दिसतील,पुढे स्क्रोल करत जा ..पक्षाचे मोठे चित्र दिसतील
त्या पक्षाला टच केल्यास तो आपला मूळ आवाज काढून दाखवेल...
करुणा गावंडे,जांभूळकर
राजुरा ,चंद्रपूर
Saturday, 20 July 2024
विविध योगासने
.jpeg)
विविध योगासने, प्राणायम व शारीरिक सूक्ष्म व्यायाम अतिशय सोप्या पद्धतीने चित्रसहित पाहण्यासाठी खालील Download ला क्लिक करा..
संकलन
करुणा गावंडे,जांभूळकर
Friday, 12 July 2024
आनंददायी शनिवार
महाराष्ट्र शासनाचा दप्तर मुक्त शनिवार/ आनंददायी शनिवार उपक्रम
उद्देश
नियोजन
कृती
उपक्रम
खेळ
वरील सर्व माहिती चे वाचन करण्यासाठी खालील Online ला टच करा...
करुणा गावंडे ,जांभूळकर
Monday, 5 February 2024
सूर्यनमस्कार चे १०१ फायदे
सूर्यनमस्कार चे फायदे
१.सुर्यनमस्कारामुळे फुफ्फुसे बळकट होऊन आयुष्य वाढते.
२.रोज सकाळी सूर्योदयाच्या वेळेस सुर्यनमस्कार केल्याने दिवसाची सुरुवात प्रसन्न होते.
३. सुर्यनमस्कारात क्रमाने केली जाणारी १० /१२ आसनांमुळे शरीरातील रक्तप्रवाह सुधारण्यास मदत होते.
४. सुर्यनमस्कारामुळे शरीरातील विषारी घटक बाहेर टाकण्यास तसेच ताणतणाव कमी करण्यास मदत केली जाते.
५.योग्यप्रकारे व नियमित सुर्यनमस्कार केल्याने शारीरिक स्वास्थ्य व मानसिक शांतता लाभते.
६.सुर्यनमस्कार करताना पोटांजवळील स्नायूंवर ताण आल्याने पचनशक्ती सुधारण्यास मदत होते.
७. सुर्यनमस्कारामुळे आकर्षक अँब्स मिळण्यास मदत होते.
८. सुर्यनमस्कार करताना सतत दीर्घश्वसन केल्याने उच्छश्वास बाहेर सोडल्याने शरीराला ऑक्सिजन पुरवठा होतो.
९.सुर्यनमस्कारामुळे स्मरणशक्ती सुधारते.
१०.सुर्यनमस्कारामुळे शरीरातील थॉयरॉईड ग्रंथींचे कार्य सुधारल्याने मनाची अस्थिरता कमी होण्यास मदत होते.
११.सुर्यनमस्कारामुळे शरीराची लवचिकता वाढते.
१२.सुर्यनमस्कारामुळे महिलांमध्ये मासिक पाळीचे चक्र सुधारते.
१३.सुर्यनमस्कारामुळे त्वचेची कांती सुधारते.
१४.सुर्यनमस्कारामुळे वृद्धपकाळात चेहेऱ्यावर पडणाऱ्या सुरकुत्यांपासून सुटका होते.
१५.डायटिंग पेक्षा झटपट व सुरक्षितरीत्या वजन घटविण्याचा मार्ग म्हणजे सुर्यनमस्कार
१६.सुर्यनमस्कारामुळे जीर्णपेशींचे उच्चाटन व नवीन पेशींची निर्मिती चांगल्या प्रकारे होते.
१७.सूर्यनमस्कार घातल्याने स्वभाव सात्विक होतो.
१८.सुर्यनमस्कारामुळे नाडीशुद्धीकरण होऊन रक्ताभिसरणाची क्रिया उत्तम चालते.
१९.सुर्यनमस्कारामुळे प्राणशक्तीचा संचय होऊन कार्यक्षमता वाढते.
२०.सुर्यनमस्कारामुळे स्थूलता व जडत्व येत नाही नेहमी हलके वाटते.
२१.सुर्यनमस्कारामुळे सर्व महत्त्वाच्या अवयवांचा रक्तपुरवठा वाढतो.
२२.सुर्यनमस्कारामुळे हृदय व फुप्फुसे यांची कार्यक्षमता वाढते.
२३.सुर्यनमस्कारामुळे बाहू व कंबर यांचे स्नायू बळकट होतात.
२४.सुर्यनमस्कारामुळे पाठीचा मणका व कंबर लवचिक होतो.
२५.सुर्यनमस्कारामुळे पोटाजवळची चरबी वितळून वजन कमी होण्यास मदत होते.
२६.सुर्यनमस्कारामुळे पचनक्रिया सुधारते.
२७.सुर्यनमस्कारामुळे मनाची एकाग्रता वाढते.
२८.सुर्यनमस्कारामुळे गळ्याच्या व मानेच्या स्नायूस ताण मिळून ते बळकट होतात.
२९.सुर्यनमस्कारामुळे दंड पिळदार व बळकट होतात.
३०.सुर्यनमस्कारामुळे शारीरिक,मानसिक व आध्यात्मिक शक्तीचा विकास होतो.
३१.सुर्यनमस्कारामुळे संपूर्ण शरीराला बलप्राप्ती होते.
३२.सुर्यनमस्कारामुळे मन प्रसन्न होते, उत्साह वाढतो.
३३.सूर्यनमस्कार स्मृतीवर्धक आहे.
३४.सूर्यनमस्कारामुळे पंचेंद्रियांचे कार्य सुधारते.
३५.सुर्यनमस्काराच्या अभ्यासाने निरोगी शरीर,निकोप मन व सर्वांगीण आरोग्यप्राप्ती होते.
३६.सुर्यनमस्कारामुळे शरीराच्या सर्व अवयवांना व्यायाम होतो.
३७.सुर्यनमस्काराला संपूर्ण व्यायाम प्रकार असे म्हणतात.
३८.सुर्यनमस्कारामुळे शीर , मान, हात ,पाय,छाती ,पोट,कंबरेचे स्नायू ,मेरुदंड ,सर्व सांधे बळकट होतात.
३९.सकाळच्या कोवळ्या उन्हात सुर्यनमस्कार केल्यामुळे शरीर व हाडाच्या मजबूतीसाठी आवश्यक असणारे 'ड' जीवनसत्व मिळते.
४०. सुर्यनमस्कारामुळे अग्नी प्रदीप्त होऊन भूक लागते.
४१.सुर्यनमस्कारामुळे मधुमेह रोगामध्ये विशेष फायदा होतो.
४२. सुर्यनमस्काराच्या नियमित अभ्यासाने दोष,धातू,मल हे घटक समप्रमाणात राहिल्याने व्याधी प्रतिबंध होतो.
४३. सुर्यनमस्कार घातल्याने उंची वाढते.
४४.सबीज मंत्रोच्चार सहित सुर्यनमस्कार केल्याने शरीरांतर्गत वायूची शुद्धी होते.
४५. सुर्यनमस्कारामुळे यकृत , प्लिहा यांच्या कार्यात सुधारणा होते.
४६ बीजमंत्रासह सूर्यनमस्कार केल्याने कंठ,तालु , हृदय यावर अनुकूल परिणाम होतो.
४७. सुर्यनमस्कारामुळे कंठविकार दूर होतात.
४८. सबीज मंत्रोच्चारणासह सुर्यनमस्कार केल्यास बद्धकोष्ठता दूर होते.
४९. सुर्यनमस्कारामुळे फुफ्फुसांची कार्यक्षमता वाढते.
५०.सुर्यनमस्कारामुळे स्त्रियांचे गर्भाशय व मासिक पाळी संबंधी विकार दूर होतात.
५१. सुर्यनमस्कारामुळे मूत्राशय,मलाशय यांचे विकार दूर होतात.
५२. सुर्यनमस्कारामुळे सद्सद्विवेकबुद्धी जागृत होऊन संयम व धैर्य वाढते.
५३. सुर्यनमस्कारामुळे मन शांत होते.
५४. सुर्यनमस्कारामुळे मायग्रेन,डोकेदुखी सारखे विकार दूर होऊ शकतात.
५५. सूर्यनमस्कार नियमित केल्याने हातपायाचे दुखणे दूर
होऊन त्यांच्यात बळकटपणा येतो.
५६.सुर्यनमस्कारामुळे शरीराची प्रतिकारशक्ती वाढते.
५७.सुर्यनमस्कारामुळे शरीरावरील बिनकामाची चरबी कमी होते.
५८. सूर्यनमस्कार केल्याने त्वचेचे आजारही कायमचे दूर
होतात.
६०.सुर्यनमस्कारामुळे अतिनिद्रा, अल्सर आदी
आजारही नाहीसे होतात.
६१.सुर्यनमस्कारात योगासनांचा अभ्यास आहे.त्यामुळे शरीर लवचिक बनते.
६२.सुर्यनमस्कारात प्राणायामाची साधना आहे.त्यामुळे मनशांती लाभते.
६३. सुर्यनामस्कारात सुर्यनारायणाची उपासना आहे.
६४. सुर्यनमस्कारात मंत्राचे सामर्थ्य आहे
६५.सुर्यनमस्कार घालत असताना सुर्यनमस्काराच्या प्रत्येक अवस्थेत स्थिर राहून विशिष्ट अवयवांना येणारा ताण शिथिल केल्याने संपूर्ण शारीरिक शिथिलतेचा अनुभव येतो.
६६.सुर्यनमस्काराच्या अभ्यासाने घशात होणाऱ्या मेंढक्या (थंड आणि उष्ण पदार्थांच्या सेवनाने घशातील गाठ सुजून अन्न वैगेरे गिळताना घशात दुखते) पार मोडून जाऊन घसा साफ होतो.
६७. सुर्यनमस्काराच्या सातत्यपूर्ण अभ्यासाने आपत्तीना ,संकटांना तोंड देण्यास शरीर व मन समर्थ बनते.
६८.सुर्यनमस्कारामुळे ज्ञानतंतूची केंद्रे संवेदनाक्षम बनतात.
६९.सुर्यनमस्काराच्या अभ्यासाने बुद्धीची वाढ होते.
७०.सुर्यनमस्कारामुळे मांड्यांचा दाब पोटातली अवयवांवर पडल्यामुळे ते सुधारतात.
७१.सुर्यनमस्कारामुळे चिरतरुण राहण्यास मदत होते.
७२.सुर्यनमस्कारामुळे कार्डीओ व्हस्क्युलर प्रमाणेच व्यायाम होतो व वजन कमी होण्यास मदत होते.
७३.सुर्यनमस्कारामुळे प्राणशक्तीचा संचय होऊन शरीराची कार्यक्षमता वाढते.
७४.सुर्यनमस्कारामुळे आपल्या शरीरातील जीर्णपेशींचे उच्चाटन व नवीन पेशींची निर्मिती होते.
७५. सुर्यनमस्कारामुळे शरीर डिटॉक्स होण्यास मदत होते.
७६.जलद गतीने सुर्यनमस्कार घातल्याने हृदयाची कार्यक्षमता वाढण्यास मदत होते.
७७. सुर्यनमस्कारामुळे आत्मविश्वास वाढतो.निर्णयशक्ती वाढते.
७८.सूर्यनमस्कार हा धर्म व जाती पलीकडचा विचार आहे, कारण सूर्य सगळ्यांनाच समान प्रकाश देतो.
७९. शरीरातील सर्व व्यापार मेंदू व पाठीच्या कण्यातील ज्ञानरज्जूकडून करविले जातात त्याकरिता सुर्यनमस्कार उपयुक्त ठरतात.
८०.सुर्यनमस्कारामुळे पाठीच्या कण्याला विशिष्ठ तर्हेने व्यायाम मिळून लवचिकता वाढते.
८१. सुर्यनमस्कारामुळे आपल्या शरीरात जी निरनिराळी चक्राची ठिकाणे आहेत त्यावर अनुकूल परिणाम होतो आणि त्यामुळे मन प्रसन्न होऊन बुद्धीही प्रगल्भ होते.
८२.' नायमात्मा बलहिनेन लभ्य ' हे तत्व उपनिषदात सांगितले आहे.आपले शरीर सामर्थ्यवान असल्याशिवाय आपले मन समर्थ होत नाही व मन जर सामर्थ्यवान नसेल तर भावनिक व बौद्धिक उन्नती होणार नाही.यासाठी सर्वस्पर्शी उन्नतीसाठी सुर्यनमस्काराची साधना करावी.
८३. सुर्यनमस्कारामुळे शरीरात रोगप्रतिबंधक व रोगनिवारक शक्ती उत्पन्न होण्यास हृदय,फुफ्फुस,प्लिहा,यकृत,पित्ताशय,मूत्राशय,मेंदू व ज्ञानतंतु आणि अंतःस्रावी ग्रंथी सुदृढ व कार्यक्षम असावयास हव्यात.म्हणूनच सुर्यनमस्कार हा व्यायाम आंतरेन्द्रिय व बाह्यइंद्रियें यांना सारखाच उपयोगाचा आहे.
८४. सुर्यनमस्कारामुळे शरीराच्या सर्वच गात्रोपगात्राना सारखा व्यायाम घडल्याने शरीराची एकांगी,बेडौल वाढ न होता सर्व शरीर प्रमाणबद्ध राहते.
८५. सुर्यनमस्कार कमी वेळेत शरीरांतर्गत जास्त अनुकूल परिणाम देणारा व्यायाम प्रकार आहे.
८६.घरच्या घरी कोणत्याही ऋतूत इतर खर्चिक साधनसामुग्रीविना अत्यंत कमी जागेत करता येणारा व्यायाम प्रकार म्हणजे सुर्यनमस्कार.
८७. आपल्या शरीरातील स्थूल व सूक्ष्म अशा पंचकोषात्मक घटकांवर होणारे सुर्यप्रकाशाचे परिणाम अभ्यासून ऋषीमुनींनी सुर्योपासना प्रचलित केली आहे.शारीरिक व मानसिक असे तिचे मुख्य पोटभेद असून सुर्यनमस्कार ही कायिक तर समंत्र सुर्यनमस्कार ही मानसिक सुर्योपासनाच आहे.
८८.विश्वाला ऊर्जा व प्रकाश देणाऱ्या,स्वास्थ्य व शक्ती देणाऱ्या,विभिन्न ऋतूंची निर्मिती करणाऱ्या,अन्न निर्माण करणाऱ्या जीवदायी सूर्याला नमस्कार केल्याने पहाटेच्या कोवळ्या किरणांचा शरीराला लाभ होतो.
८९. सुर्यनमस्कारामुळे विचारांना उत्तेजन मिळते,भावनिक स्पंदन होते.
९०.सुर्यनमस्कारामुळे डोळेही सतेज बनतात.
९१. सुर्यनमस्काराच्या पहिल्या अवस्थेत दृष्टी नासिग्रावर ठेवल्याने मनोनिग्रहास मदत होते.
९२. सुर्यनमस्कारामुळे आपले व्यक्तिमत्व प्रभावी होते.
९३. सुर्यनमस्कारामुळे आत्मविश्वास वाढतो.
९४. सुर्यनमस्काराच्या अभ्यासामुळे धातूक्षीणता दूर होते.
९५. सुर्यनमस्कारामुळे शरीर हलके व प्रफुल्लित बनते.
९६. सुर्यनमस्काराच्या अभ्यासाने साधकाच्या स्वभावातील तामसी गुण नष्ट होतात व सात्विक गुणांचा विकास होऊ लागतो.
९७. सुर्यनमस्काराच्या अभ्यासाने स्नायूंची कार्य करण्याची कुवत (स्टॅमिना) निश्चितच वाढते.
९८. सुर्यनमस्कारामुळे मानेच्या मणक्याचे विकार दूर होतात.
९९. सुर्यनमस्कार हा आबालवृद्धांपर्यंत सर्वांना पेलणारा व झेपणारा व्यायाम प्रकार आहे.
१००. सुर्यनमस्कारात योगासनांचा अभ्यास आहे,प्राणायामाची साधना आहे,सुर्यनारायणाची उपासना आहे व मंत्राचे सामर्थ्य आहे. म्हणून याला सर्वांगपरिपूर्ण व्यायाम म्हंटलेल आहे.
१०१. सुर्यनमस्कार घालण्याची परंपरा प्राचीन काळापासून प्रचलित आहे. सुर्यनमस्काराचे महत्त्व विशद करताना म्हंटले आहे की,
*आदित्यस्य नमस्कारं ये कुर्वांती दिने दिने |*
*जन्मांतरसहस्त्रेशु दारिद्रय नोपजायते ||*
(या श्लोकाचा अर्थ , जे दररोज सकाळी सुर्यनमस्कारचा व्यायाम करतात त्यांना या जन्मीच नव्हे तर पुढे अनेक जन्मापर्यंत दारिद्रय शिवत नाही.)
🌹🙏🧘♀️🧎♂️🦚
Friday, 26 May 2023
सर्वनाम व त्याचे प्रकार
सर्वनाम व सर्वनामाचे प्रकार.Sarvanam V Tyache Prakar.
सर्वनाम व सर्वनामाचे प्रकार.Sarvanam V Tyache Prakar.
सर्वनाम :- नामाचा पुनर्वापर टाळण्यासाठी सर्व प्रकारच्या नामांच्या जागी येणार्या विकारी शब्दाला ‘सर्वनाम’ असे म्हणतात किंवा नामाऐवजी वापरल्या जाणार्या शब्दाला ‘सर्वनाम’असे म्हणतात.
जसे :- मी,तो,ती,ते,त्यांनी,त्यांना,आम्हाला,तुम्हाला इत्यादी
सर्वनामाचे प्रकार
सर्वनामाचे एकूण सहा प्रकार पडतात.
(1)पुरुषवाचक सर्वनाम
(2)दर्शक सर्वनाम
(3) संबंधी सर्वनाम
(4)प्रश्नार्थक सर्वनाम
(5)सामान्य अथवा अनिश्चित सर्वनाम
(6)आत्मवाचाक सर्वनाम
(1)पुरुषवाचक सर्वनाम :- जे सर्वनाम प्रथम पुरुषी ,द्वितीय पुरुषी,तृतीय पुरुषीचे दिग्दर्शन करते त्याला ‘पुरुषवाचक सर्वनाम’असे म्हणतात.प्रथम व द्वितीय पुरुषी सर्वनामे लिंगानुसार बदलत नाहीत फक्त तृतीय पुरुषी सर्वनामे मात्र बदलतात.
उदा.मी,तो,ते,तू,तो,तुम्ही,आम्ही,त्या,ती इत्यादी
जगात बोलणारा,ऐकणारा व ज्याच्याविषयी बोलण्यात येते तो तिसरा असे तिघेच असतात. म्हणून भाषणातही तीन पुरुष असतात.
(अ).प्रथम पुरुषवाचक :- मी,आम्ही,स्वत:,आपण
उदा.(1) मी उद्या गावाला जाणार आहे.(2)आम्ही तुला मदत करु.
(आ).द्वितीय पुरुषवाचक :- तू ,तुम्ही,स्वत:,आपण
उदा.(1) तुम्ही एवढे काम कराच.(2)आपण आत या .
(इ).तृतीय पुरुषवाचक :-तो,ती,ते,त्या,हा,ही,हे,ह्या इत्यादी
उदा. (1)ती अतिशय सुंदर होती.(2)तो आजारी होता.
(2) दर्शक सर्वनाम :-अगोदर माहीत असलेली जवळची किंवा दूरची वस्तू दाखवण्यासाठी जे सर्वनाम वापरण्यात येते त्यास ‘दर्शक सर्वनाम’असे म्हणतात.दर्शक सर्वनाम होण्यासाठी (हा,ही,हे,तो,ती,ते)कर्ता म्हणून वापरावे लागतात.
उदा.हा,ही,हे,तो,ती,ते
(1) ही कोण आहे.
(2)ती चलाख आहे.
(3)हा रानटी हत्ती आहे.
जवळच्या वस्तूबद्दल हा,ही,हे वापरले जातात तर लांबच्या वस्तूबद्दल तो,ती,ते वापरतात.
(3) संबंधी सर्वनाम :-वाक्यामध्ये दोन गोष्टीमधील संबंध स्पष्ट करणार्या सर्वनामाला ‘संबंधी सर्वनाम’असे म्हणतात.संबंधी सर्वनामांना अनुसंबंधी सर्वनामे असे सुद्धा म्हणतात.
उदा.जो,जी,जे,ज्या
(1)जो चढतो,तोच पडतो .
(2)जे चकाकते ,ते सोने नसते.
(3)जो करेल,तो भरेल.
(4)प्रश्नार्थक सर्वनाम :- ज्या सर्वनामाचा उपयोग वाक्यात प्रश्न विचारण्यासाठी होतो त्यांना ‘प्रश्नार्थक सर्वनामे’ असे म्हणतात किंवा एखाद्या नामाला प्रश्न विचारण्यासाठी वापरलेल्या प्रश्नसूचक शब्दाला ‘प्रश्नार्थक सर्वनाम’ असे म्हणतात.
उदा.कोण,काय,कित्येक,कोणास,कोणाला,कोणी इत्यादी
(1) तुला काय पाहिजे ?
(2)कोणी रामायण लिहिले ?
(5)सामान्य किंवा अनिश्चित सर्वनाम :-वाक्यात येणारे सर्वनाम नेमक्या कोणत्या नामासाठी आले हे जेव्हा निश्चित सांगता येत नाही तेव्हा त्यास ‘अनिश्चित सर्वनाम’ असे म्हणतात.
उदा.(1) कोणी ,कोणास काय म्हणावे !
(2)हल्ली कोण कोणाला विचारत नाही.
(3)माझ्या मुठीत काय ते सांग पाहू !
(4) कोणी कोणास हसू नये.
(6)आत्मवाचक सर्वनाम :- स्वतःविषयी उल्लेख करण्यासाठी वापरल्या जाणार्या सर्वनामाला ‘आत्मवाचक सर्वनाम’ असे म्हणतात.
उदा. (1)मी स्वत: त्याला पहिले.
(2)आपण खेळायला जाऊ.
वरील वाक्यात स्वत:,आपण ही दोन्ही आत्मवाचक सर्वनामे आहेत.
संकलन
करूणा गावंडे, जांभुळकर
नाम व नामाचे प्रकार
नाम व नामाचे प्रकार.Noun And Its Types.
नाम व नामाचे प्रकार.Noun And Its Types.
नाम :- प्रत्यक्षात असणाऱ्या किंवा कल्पनेने जाणवलेल्या वस्तूंना किंवा त्यांच्या गुणधर्मांना दिलेल्या नावाला 'नाम' असे म्हणतात.
उदा. गाडी,पेन,टेबल,राग,सौंदर्य,साखर इत्यादी
नामाचे प्रकार
मराठीत नामाचे मुख्य ३ प्रकार पडतात.
१. सामान्यनाम
२. विशेषनाम
३. भाववाचक नाम
१. सामान्यनाम :-एकाच गटातील प्रत्येक वस्तूला समान गुणधर्मामुळे जे एकच नाम दिले जाते त्यास 'सामान्यनाम' असे म्हणतात.सामान्यनामाचे अनेकवचन होते.
उदा.शाळा,पाणी,ग्रह,तारा,माणूस इत्यादी
सामान्यनामाचे खालील दोन प्रकार पडतात.
अ.पदार्थवाचक नाम ब.समूहवाचक नाम
अ.पदार्थवाचक नाम:-जे घटक शक्यतो लिटर,मीटर किंवा कि. ग्रॅममध्ये मोजले जातात/संख्येत मोजले जात नाहीत त्या घटकांच्या नावाला 'पदार्थवाचक नामे' असे म्हणतात.
उदा.सोने,कापड,मीठ,पाणी,प्लास्टिक,तांबे इत्यादी
ब.समूहवाचक नाम :- समान गुणधर्म असणाऱ्या अनेक घटकांच्या एकत्रित समूहाला दिलेल्या नावाला'समूहवाचक नाम'असे म्हणतात.
उदा.ढिगारा,जुडी,गंज,मोळी इत्यादी
२. विशेषनाम :- ज्या नामाने जातीचा बोध होत नसून त्या जातीतील एका विशिष्ट व्यक्तीचा,वस्तूचा किंवा प्राण्याचा बोध होतो त्यास'विशेषनाम'असे म्हणतात.
विशेषनाम हे व्यक्तिवाचक असते.
उदा. आशा,दिल्ली,गोदावरी,भारत,सूर्य इत्यादी
३. भाववाचक नाम :- ज्या नामाने प्राणी किंवा वस्तू यांच्यामध्ये असलेल्या गुण,धर्म किंवा भाव यांचा बोध होतो त्याला'भाववाचक नाम' असे म्हणतात.
उदा. आनंद,सौंदर्य,गुलामगिरी,विश्रांती,श्रीमंती,इत्यादी
भाववाचक नामाचे तीन गट पडतात.
अ.स्थितीदर्शक - जसे-गरिबी,हुशारी
ब. गुणदर्शक - जसे-सौंदर्य,प्रामाणिकपणा
क. कृतिदर्शक - जसे-चोरी,चळवळ
संकलन
करूणा गावंडे, जांभुळकर
Friday, 24 March 2023
द्वितीय आकारिक मूल्यमापन-कला,कार्या, शा. शी
द्वितीय सत्रातील कला ,कार्यानुभव व शारीरिक शिक्षण यांच्या तंत्रनिहाय प्रश्नपत्रिका पाहण्यासाठी खालील Online ला क्लीक करा.
संकलन
करूणा गावंडे, जांभुळकर
राजुरा ,चंद्रपूर
द्वितीय संकलित मूल्यमापन 2023
द्वितीय संकलित मूल्यमापन 2022-23
इयत्ता १ ली ते ७ वी च्या सर्व विषयाच्या नमुना प्रश्नपत्रिका (सेमी इंग्रजी सह) डाउनलोड करण्यासाठी खालील Download ला क्लिक करा.
संकलन
करुणा गावंडे, जांभुळकर
विषय शिक्षिका
राजुरा चंद्रपूर
Sunday, 26 February 2023
मराठी भाषा दिन 27 फेब्रुवारी
.jpeg)
मराठी भाषा गौरव दिनानिमित्त विविध माहिती पाहण्यासाठी खालील online ला क्लिक करा..
मराठी भाषा दिन इतिहास
मराठी भाषा दिन संपूर्ण माहिती
मराठी भाषा दिन घोषवाक्ये
मराठी भाषा दिन रांगोळी
%20(23).jpeg)
%20(22).jpeg)
%20(20).jpeg)
%20(21).jpeg)
%20(13).jpeg)
%20(14).jpeg)
%20(11).jpeg)
मराठी भाषा दिन फलक लेखन
.jpeg)
.jpeg)
.jpeg)
%20(29).jpeg)
मराठी भाषा गौरव दिनानिमित्त
*'र ' ची करामत( ' र ' ची साखळी)*
(१)पाण्यात राहणारे प्राणी -- जलचर
(२)लिहिता , वाचता येणारा-- साक्षर
(३)लिहिता - वाचता न येणारा - निरक्षर
(४)बातमी आणून देणारा -- वार्ताहर
(४)वनात राहणारे प्राणी -- वनचर
(५)जमिनीवर राहणारे -- भूचर
(६)धान्य साठवण्याची जागा -- कोठार
(७)जमिनीखालून गेलेला रस्ता -- भुयार
(८)कथा(गोष्ट ) लिहिणारा -- कथाकार
(९)दगडावर मूर्ती घडवणारा - शिल्पकार
(१०)जादूचे खेळ करून दाखवणारा -- जादूगार
(११)नाटक लिहिणारा -- नाटककार
(१२)चित्रे काढणारा -- चित्रकार
(१३)खूप दानधर्म करणारा -- दानशूर
(१४)शत्रूला सामील झालेला -- फितूर
(१५)शत्रूकडील बातम्या काढणारा -- हेर
(१६)भारताचा राष्ट्रीय पक्षी -- मोर
(१७ )एक पाळीव प्राणी -- मांजर
(१८)पाण्यातील एक प्राणी -- मगर
(१९)झाडावर सरसर चढणारा प्राणी -- खार
(२०)सरपटणारा एक प्राणी -- अजगर
(२१)मसाल्याचा एक पदार्थ -- केशर
(२२)मोराची मादी -- लांडोर
(२३)मीठ तयार करतात ते ठिकाण - मिठागर
(२४)लोखंडी वस्तू तयार करणारा - लोहार
(२५)सोन्या -चांदीचे दागिने बनवणारा - सोनार
(२६)मातीची मडकी बनवणारा -- कुंभार
(२७)आजारी लोकांना औषधे देणारा - डाॅक्टर
(२८)लाकडी वस्तू तयार करणारा -- सुतार
(२९)चामड्याच्या चपला बनवणारा - चांभार
(३०)केळ्यांचा (घड) समूह -- लोंगर
(३१)महाराष्ट्राची उपराजधानी - नागपूर
(३२)एक कडधान्य -- मसूर
(३३)एक बी असणारे एक फळ -- बोर
(३४)एक शेंग भाजी -- गवार
(३५)या वनस्पतीपासून कात काढतात -- खैर
(३६)हातमागावर कापड विणणारा -- विणकर
(३७)एक गोड पदार्थ -- साखर
(३८)खा-या पाण्याचा मोठा साठा -- महासागर
(३९)लांबी मोजण्याचे प्रमाणित एकक - मीटर
(४०)पाण्याचा एक स्त्रोत -- विहीर
=======================
संकलन
करूणा गावंडे, जांभुळकर
विषय शिक्षिका आर्वी
राजुरा,चंद्रपूर
Subscribe to:
Posts (Atom)